1.愛回家的感覺K11 ARTUS

好多男士成日話要有家的感覺，其實小編我唔係好明，點解廿幾歲仔點解咁快想定落嚟，不過唔緊要，建議你另一半如是愛回家的人，就訂返一晚K11 ARTUS，房入面絕對有家的感覺，有齊煮食爐啦、焗爐啦、咖啡機同打奶器，啲奶泡好多嘢可以玩，諗起都開心。情人節當晚，女就扮家庭主婦，煮餐正嘢畀條佬食，之後由客廳、廁所、浴缸、睡房張大床，到面向維港的曲尺大露台，有空間又有氣氛，女士可以challenge嗌到對面會展都聽到 !

2.愛買名牌的情侶四季酒店

近年女人買手袋叫投資，男人買手錶又係投資，因為大家困住冇得飛，買咩升咩，買中當炒勞力士，半年執五十萬並不出奇。位於中環的四季酒店全新裝修豪華海景客房，舒適寫意，佳節愛送禮，行完街買完手袋靚錶，不如早些返房對住海景食晚餐，酒店二月有浪漫之旅住宿優惠，連港幣一千五百元餐飲消费額及法國奢華香水品牌Maison Francis Kurkdijian 禮品，而二月十二日至十四日更有Gallery下午茶套餐和朱古力火鍋供應，夠哂SWEET !

3.要有小旅行FEEL 香港愉景灣酒店

香港愉景灣酒店坐落於風光如畫的大嶼山，小編建議訂海景單卧室套房，空間感較大，提供雪櫃和微波爐，又可以對住個海沖涼，不過其實外面的人可以清楚透過窗口望入房內，大家重視的隱就唔好在窗邊做運動啦。抗疫快三年，好多人都想STAYCATION要有小旅行FEEL，愉景灣酒店是一間渡假一流的酒店，背山面海，令人遠離塵囂，享受寧靜。加上附近環境建築富有歐陸氣息，又有全港首創的海濱白教堂，十分浪漫，絕對是你另一半講I DO的首選場地，當然也是兩口子留甜蜜照片的完美打卡位。 酒店鄰近香港迪士尼樂園、昂坪360纜車、天壇大佛等景點，好易PLAN本地遊，令你絕無出錯的機會，另一半唔會嗌悶同話你無心思。

4.有童心 香港迪士尼樂園酒店

能夠保持童心的人，多數心地善良，要在香港盡情釋放你的童真，在另一半面前扮CUTE或配合對方扮CUTE，香港迪士尼樂園酒店絕對是一個好場地。先去晶荷軒食卡通人物點心，記得要預訂，唔可以即與叫。住依間酒店就要試下皇牌，即係海景露台房、國賓廳客房、國賓廳套房或「仙杜瑞拉」主題套房或《魔雪奇緣》主題套房，入住後好好扮演王子或者公主的角色，記得帶同你的戰衣，更易入戲。酒店室內、外都是打卡的好地方，可以一邊拖手散步一邊用腳架拍照，又或者回到房間坐在露台談心，傾傾未來的計劃。累了就睡一睡，床很大，唯一要改善是浴缸很細。

5.浴缸夠大 The Upper House

想專心共處一室，The Upper House是一個好選擇。小編住過奕居套房，房間面積超過一千二百呎，睡在鋪著絲滑柔軟床單的特大雙人床上hea下，看著窗外的景色，好好休息。最開心係浴缸夠大，客房的浴室好似去咗spa房，環抱翠綠山景，令人身心放鬆，而石灰岩包裹的寬闊浴缸可讓兩人同時使用，鴛鴦浴無誤，不過晚上浸浴時還是拉下窗簾吧。如果你另一半喜歡做spa，你可以選擇在房內享受雙人按摩，盡情放鬆。肚餓可以直接在電視中點餐，水準十分好，而且價錢合理，悶了可以看電影，而爆谷是免費供應，打個電話就會送上房。而房內mini bar，除酒外，朱古力、果仁小食以及各款汽水都是免費，可盡情食用。

6. 奢華享受  香港文華東方酒店

位於中環的香港文華東方酒店，令小編一直念念不忘的是酒店二十三樓的文華閣，直接在該層辦理入住手續，可以坐住慢慢等，女朋友一定唔會「炸型」，撞正下午茶時間更可以痛痛快快地大吃一頓，食飽先入房。到了happy hour時間，除了酒外，咖喱魚蛋又是這兒的其中一項名物，值得一試 ! 入住前講明慶祝，酒店會主動提出送上文華Signature Cheese Cake 。

至於房間，皇后像廣場景觀套房內大大的浴缸在浴室正中間，對正維港又可以望到摩天輪，都幾好feel。由於文華套房大部分都是Corner suite，所以客廳和浴室都有不同景觀，待在房內一天都不會悶。最欣賞熨衣服、拎水或其他東西都不用面對面接觸，只需放在衣櫃內的箱，雙方就不用有任何接觸又可滿足住客需求。

7.餵飽另一半 香港君悅酒店

君悅酒店十分有氣派，小編建議選二十四小時住宿優惠，酒店內有九間特色餐廳及酒吧，如咖啡廳有深受歡迎的海南雞飯、茶園供應的下午茶，而夜晚的自助餐更有生蠔和龍蝦；此外港灣壹號則提供廣東菜，入住此酒店，記得要留肚。網民大多評價都是服務態度好，令人感覺賓至如歸，看海的房間、浴室都十分舒適，並一定會再入住。