17
August【Staycation報告】香港迪士尼酒店農曆新年入住報告
2022-08-17 18:04:00
【Staycation報告】初三赤口，除咗行大運，陳師奶初一入住 香港迪士尼酒店報告
柚子：何時入住？同邊個住？陳師奶：初一下午，同陳先生和囝囝。
柚子：疫情下，入住做咗啲咩？有咩玩？陳師奶：好多嘢玩喎。酒店安排咗好多活動，根本唔夠時間玩，點會悶。我簡單講下，辦入住手續時，就睇到高菲跟住財神到跳舞，我囝囝已經好開心，因為間海景露台房未有，所以我哋就去咗晶荷軒食點心食住等，囝囝就食咗虎年兒童餐，賣相靚，味道就真係好一般。我哋啲點心正，個鮑魚炒飯都正常。
兩點半左右，SMS我哋有房。我哋住5樓，真係對正個海，下面就係草地，再次多謝柚子旅遊抽中我哋。
同囝囝落去遊戲室玩咗一節，再去埋虎年祭典，好好玩，玩到唔願走。好欣賞職員一對一個家庭招待，感到用心，亦登佢哋辛苦
不停重覆對白，又要兼顧氣氛，又要幫手影相，玩完仲要送朱古力金幣。
不停重覆對白，又要兼顧氣氛，又要幫手影相，玩完仲要送朱古力金幣。其他設施，睇片啦。
玩完手工班，見天氣好，到外邊走走，囝囝玩花園迷宮都超開心，一玩玩咗個半鐘。
柚子：六點後冇堂食，咁你夜晚食咩呀？陳師奶：我哋去咗華特餐廳叫咗意粉比囝囝，好好味，落單後，基本上十分鐘內就拎得，勸大家原地等外賣，唔好走嚟走去。
至於大人呢，我哋見到囝囝玩得咁開心，做父母心情都超好，特別有胃口，於是叫了Room Service. 味道ok，兩碗白飯係熱，係餸凍啲囉。
餐單同外賣餐廳見相片啦
柚子：咁夜晚咪好早瞓？仲有咩做？陳師奶：酒店仲安排咗扭波班，好鬼靚。未放夠電可以再去playroom,但我哋就決定返房浸浴。
柚子：早餐如何？陳師奶：現在沒有提供自助早餐，改為中式、美式或日式早餐，我哋叫咗中式同美式，中式性價比較高，亦比較飽肚。
美式，唔識形容，杯latte係可以的。
柚子：第二日又有咩玩？大人嗌悶未？陳師奶：一啲都唔悶，因為晨早同囝囝參加太極班，小朋友見到卡通人物就會好興奮，短短十五分鐘，都好開心，大家一定要參加，當日9:00同10:00各有一節，名額先到先得。
又有畫畫班啦，學下畫米奇。
另外，手工班又轉咗款，點會悶。
財神高菲又成日走嚟走去，小朋友見到又要追，又有朱古力金幣拎，大人好忙。
柚子：今次唔洗錢住，咁你洗咗幾多錢？陳師奶：晶荷軒飲茶800蚊，晚餐千幾蚊，最後單單用膳都用咗超過2000蚊。
仲有，泊車190蚊。
柚子：有咩投訴？陳師奶：上網見好多人話間房殘，我又唔覺。不過淋浴，花灑真係唔夠力，希望可以改善。
住客要俾錢泊車，可以free泊車就最好啦。
柚子：如果要你自己俾錢，仲住唔住？陳師奶：住，囝囝真係住得好開心。本身見網上好多評語話悶，又冇設施都冇期望，入住後反而好有驚喜，好推介畀家庭客。
柚子：仲有冇補充。陳師奶：下次要訂埋翠樂庭自助餐，有卡通人物影相，不過唔太清楚現時食物質素和款式。
. 
