【迪士尼探索家度假酒店】小編暑假平日入住，下午1:55到達酒店大堂，見到排隊條人龍當堂嚇一嚇! 

不過唔緊要，當場即時向職員了解一下，知道玩法就立刻照做，務求盡快拎房。現時最新玩法是使用虛擬排隊服務，先拎籌號，當你獲得籌號時，你電話會收到確認SMS，到你的籌號可以CHECK IN 時，亦會再次收到SMS.

我本人就好滿意這樣的安排，至少不用呆站。

旺季，要等待，是必須的，難得跟家人STAYCATION，我寧願少投訴，好好享受每分每秒。只要你有籌號在手，職員會幫你在房卡套上寫上籌號，其實你已經可以開始玩酒店內設施和排隊BOOK泳池時間〈首要任務!〉

大約排了十分鐘，就BOOK到泳池，

 【迪士尼探索家度假酒店設施】

之後，小朋友可以拎住房卡套去玩高卡車，3:00開始可以玩，剛剛好，一排即玩。玩完高卡車，搵其中一個家人幫手排遊戲室，小朋友可以問遊戲室外的姐姐，拎遊戲紙去玩，消磨時間 ，

玩完遊戲，問姐姐拎埋禮物，遊戲室的隊亦都排到，可以玩埋。

【迪欣湖自然之旅】

其中迪欣湖自然之旅，可以跟家人一起到迪欣湖走走，親親大自然！需要用電話計步器及取地圖，並在湖邊完成最少四千步及不多過一萬步，與地圖上最少十種指定植物合照，就可得到紀念證書及禮品一份。當日小編的禮物是米奇水樽，超意外。

注意:客人需要自行前往迪欣湖。

 【迪士尼探索家度假酒店/標準客房】

同時間，就收到可以CHECK IN 的SMS了。即係你CHECK IN 前其實已經玩咗部分設施。排隊CHECK IN時要填健康申報表，手續好快就辦完，十分順利。

今次將會入住兩晚，房間都正常，空間感好夠，房內設施用具亦都好新，入房亦沒有頭痛頭暈(農曆七月嘛...)兩個字講哂:舒服! 還有，生日蛋糕好靚，謝謝安排 !

【迪士尼探索家度假酒店/雲龍軒】

晚飯選擇在酒店中菜--雲龍軒用膳，會員生日套餐買一送一，我個人食完依餐，喜歡雲龍軒多於晶荷軒(迪士尼酒店中菜)，會員生日套餐MENU

十分飽肚，味道亦正常，唯一失望的是鵝掌煲，似白烚，沒有任何味道 ( 食其原味，係咪 ? )

【迪士尼探索家度假酒店/泳池】

晚飯過後，休息一會，就出發游夜水，入場前需先DOO安心和檢查疫苗通行證。

夜晚泳池有戲睇，幾好FEEL的。

但夜晚游水，有個問題，就係與蟲齊暢泳，超級多昆蟲在水面和水中，正好讓大家好好感受一下探索家，在原野的「風味」。

【星航餐廳早餐】

早餐PACKAGE沒有附送，選擇在星航餐廳買外賣。

西多士好好食，雞扒都OK，比想像中好很多，值得明天再食。外出玩樂，最緊要心情好，吃什麼都好味，讚同嗎 ?

(第二天行程，待續)